Yearly Archives: 2013

Rwanda: Bwana Sibomana Sylvain akomeje gusiragizwa mu nkiko

Kigali, kuwa 12 Ukuboza 2013

Kuri uyu wa Kane tariki ya 12 Ukuboza 2013 mu rugereko rw’urukiko rukuru rwa Rusizi ruri i Karongi habereye urubanza rwa SIBOMANA Sylvain, Umunyamabanga Mukuru w’agateganyo wa FDU-Inkingi, ari kumwe na mugenzi we bareganwa witwa MUTUYIMANA Anselme. Abaregwa bahageze batinze kubera ko gereza ya Muhanga, aho babarizwa kugeza ubu, batinze kubazana. Bahageze mu masaha ya saa yine (10h00) z’amanywa.

(Français) (English) Rwanda : The RPF regime determined to decapitate the political opposition

 

The RPF regime determined to decapitate the political opposition

The Rwandan Supreme Court’s ruling on the appeal of imprisoned opposition leader Ms. Victoire Ingabire Umuhoza is expected this Friday 13 December 2013.Ingabire, leader of Rwanda’s FDU-Inkingi Party, was arrested three years ago, in October 2010, after attempting to run for president against sitting President Paul Kagame. The fate of  Ingabire was clear from the day (16 January 2010) she arrived in Rwanda. In an interview given to the Ugandan newspaper Monitor President Kagame declared: “This woman [Ingabire]will certainly be where she belongs.” implying that Ingabire deserved to be in prison.

 Rwanda The RPF regime determined to decapitate the opposition

The Rwandan Supreme Court’s ruling on the appeal of imprisoned opposition leader Ms. Victoire Ingabire Umuhoza is expected this Friday 13 December 2013.Ingabire, leader of Rwanda’s FDU-Inkingi Party, was arrested three years ago, in October 2010, after attempting to run for president against sitting President Paul Kagame. The fate of  Ingabire was clear from the day (16 January 2010) she arrived in Rwanda. In an interview given to the Ugandan newspaper Monitor the President Kagame declared: “This woman [Ingabire]will certainly be where she belongs.” implying that Ingabire deserved to be in prison.

 Rwanda The RPF regime determined to decapitate the opposition

Rwanda: Bwana Sylvain Sibomana, Umunyamabanga Mukuru w’agateganyo wa FDU-Inkingi, akatiwe imyaka ibiri y’akamama

Kigali, kuwa 22 Ugushyingo 2013.

Kuri uyu wa Gatanu tariki ya 22 Ugushyingo 2013, Urukiko rw’ibanze rwa Nyarugunga rwasomye urubanza rwa Bwana Sylvain Sibomana, Umunyamabanga Mukuru w’agateganyo wa FDU-Inkingi, na Bwana Dominique Shyirambere baregwaga ibyaha bibiri ari byo:

• Gukoresha imyigaragambyo itemewe ubwo bari bitabiriye urubanza mu bujurire rw’Umuyobozi mukuru wa FDU-Inkingi, Madame Victoire Ingabire Umuhoza, kuya 25 Werurwe 2013, ku cyicaro cy’urukiko rw’ikirenga.

• Gukoza isoni abashinzwe umutekano.

Uru rubanza rwari rwarabanje gushyikirizwa Urukiko rwisumbuye rwa Gasabo ariko uru rukiko rwemeza ko nta bubasha rufite bwo kuburanisha uru rubanza maze rurusubiza mu rwego rw’urukiko rw’ibanze rwa Nyarugunga, aho rwari rwaratangiye gusuzumwa tariki ya 4 Ugushyingo 2013.

Mu mikirize y’uru rubanza, Urukiko rw’ibanze rwa Nyarugunga rwemeje ko Bwana Sylvain Sibomana ahamwa na biriya byaha bibiri, maze rumukatira igifungo cy’imyaka ibiri n’ihazabu ry’amafaranga miliyoni y’amanyarwanda (1.000.000 FRW) naho Bwana Dominique Shyirambere akatirwa amezi atanu n’ihazabu y’amafaranga miliyoni y’amanyarwanda (1.000.000 FRW).

Rwanda: Mu Karere ka Rubavu, abaturage barashimutwa, ababo ntibabwirwe iyo barengeye

Kigali, kuwa 21 Ugushyingo 2013

Hagiye gushira igihe kigera hafi ku mezi abiri mu bice bitandukanye by’igihugu bavugwa igikorwa kigayitse cyo gushimuta abaturage cyane cyane abasore, ntibabwirwe icyo bafatiwe, bagafatwa n’abantu bigararagara ko ari abashizwe umutekano kubera ko bamwe muri bo baba bambaye imyenda ya gisivile ariko bakaba bitwaje imbunda ari nazo bakangisha abo bafata iyo batangiye kubaza bati « turazira iki ?». Hari n’aho iri shimutwa rikorwa n’abashinzwe umutekano bambaye imyenda y’akazi ariko bose nta numwe ubasha gusobanurira abafatwa icyo bazira. Aba baturage iyo bamaze gufatwa bashyirwa mu mamodoka bagatwarwa ahantu hataramenyekena ku buryo n’imiryango yabo idafite aho yabariza abayo.

Rwanda: « Ndi Umunyarwanda » Perezida Pahulo Kagame niwe ukwiye gusaba imbabazi Abanyarwanda – Dr. Nkiko Nsengimana

Perezida Pawulo Kagame niwe ukwiye gusaba imbabazi Abanyarwanda

 

Nk’uko tubikeshya Imvaho Nshya yo kuwa 11 Ugushyingo 2013, nyuma y’umwiherero w’abagize guverinoma muri gahunda ya « Ndi Umunyarwanda », «…bemeye [abagize guverinoma : ndlr] ko kandi Jenoside yakorewe Abatutsi yakozwe mw’izina ry’Abahutu; bityo kugirango sosiyete nyarwanda ikire by’ukuri ni ngombwa ko abo Jenoside yakozwe mw’izina ryabo basaba imbabazi abo yakorewe, bakayamagana, bakitandukanya n’abayikoze, ndetse n’ibitekerezo biganisha ahabi u Rwanda rwavuye ».

 

Umuntu wa mbere ugomba gusaba imbabazi abatutsi ni Perezida Pahulo Kagame n’intagondwa z’abahutu.

Perezida Pahulo Kagame azi amahano yakoze afata icyemezo cyo kwica uwo yaje gusimbura ku ntebe, Prezida Yuvenali Habyarimana, arashe indege ye, akicwa ari kumwe n’umugaba w’ingabo, kimwe n’ibindi byegera bye. Perezida Habyarimana yari avuye i Dar Es Salaam muri Tanzania, yiyemeje gushyiraho inzego z’ubutegetsi zari zisigaye (Guverinoma n’Inteko ishinga amategeko) nk’uko zari zemejwe n’Amasezerano ya Arusha. Buri wese azi uko iryo hanura ry’indege ariryo ryabaye imbarutso ya jenoside yibasiye Abatutsi. None Perezida Kagame, uzi neza icyemezo yafashe, arimo aritarutsa ibibazo, yigira nyoni nyinshi, akihanukira ngo abahutu muri rusange bafite icyaha cy’inkomoko, ngo nibishyure, bake imbabazi kuko ngo intagondwa z’Abahutu zishe Abatutsi zabikoze mw’izina ry’Abahutu. Zatumwe n’Abahutu bahe ? Ryari ?

Rwanda: Perezida Pahulo Kagame niwe ukwiye gusaba imbabazi abanyarwanda

Nk’uko tubikeshya Imvaho Nshya yo kuwa 11 Ugushyingo 2013, nyuma y’umwiherero w’abagize guverinoma muri gahunda ya « Ndi Umunyarwanda », «…bemeye [abagize guverinoma : ndlr] ko kandi Jenoside yakorewe Abatutsi yakozwe mw’izina ry’Abahutu; bityo kugirango sosiyete nyarwanda ikire by’ukuri ni ngombwa ko abo Jenoside yakozwe mw’izina ryabo basaba imbabazi abo yakorewe, bakayamagana, bakitandukanya n’abayikoze, ndetse n’ibitekerezo biganisha ahabi u Rwanda rwavuye ».

Umuntu wa mbere ugomba gusaba imbabazi abatutsi ni Perezida Pahulo Kagame n’intagondwa z’abahutu.

Perezida Pahulo Kagame azi neza amahano yakoze afata icyemezo cyo kwica uwo yaje gusimbura ku ntebe, Perezida Yuvenali Habyarimana, arashe indege ye, akicwa ari kumwe n’umugaba w’ingabo, kimwe n’ibindi byegera bye. Perezida Habyarimana yari avuye i Dar Es Salaam muri Tanzania, yiyemeje gushyiraho inzego z’ubutegetsi zari zisigaye (Guverinoma n’Inteko Ishinga Amategeko) nk’uko zari zemejwe n’Amasezerano ya Arusha. Buri wese azi uko iryo hanura ry’indege ariryo ryabaye imbarutso ya Jenoside yibasiye Abatutsi. None Perezida Kagame, uzi neza icyemezo yafashe, arimo aritarutsa ibibazo, yigira nyoni nyinshi, akihanukira ngo Abahutu muri rusange bafite icyaha cy’inkomoko, ngo nibishyure, basabe imbabazi Abatutsi kubera ko ngo intagondwa z’abahutu zishe abatutsi zabikoze mw’izina ry’abahutu. Zatumwe n’Abahutu bahe ? Ryari ?

Rwanda: Bwana Ntavuka Martin, umuyobozi wa FDU mu mugi wa Kigali, yazimiye

Kigali, kuwa 04 Ugushyingo 2013.

Bwana Ntavuka Martin, Umuyobozi w’ishyaka FDU-Inkingi mu mugi wa Kigali, yavuye iwe kuwa Gatandatu tariki ya 02 Ugushyingo 2013 mu ma saha ya mu gitondo . Kuva icyo gihe umuryango we nturongera kumuca iryera. Igiteye impungenge kurushaho ni uko uretse kutagaruka mu rugo na telefone ye igendanwa atayitaba. Umuryango we kandi wanagerageje no gushakisha hirya no hino ariko nta gakuru ke wabashije kumenya. Ibi bikaba biteye impungenge zikomeye ku bijyane n’umutekano we .

URUGAGA RW’AMASHYAKA AMAHORO, IHURIRO RNC, FDU-INKINGI MU NTAMBWE NSHYA YO GUHINDURA UBUTEGETSI BURI MU RWANDA.

Amahoro People’s Congress – FDU-INKINGI – RNC

_______________________________________________________________

ITANGAZO

 

Ku wa 13 Ukwakira 2013.

 

Uyu munsi, ku wa 13 Ukwakira 2013, imitwe ya politiki Amahoro, Ihuriro RNC na FDU-INKINGI yakoresheje ikiganiro mbwirwa ruhame cyitabiriwe n’Abanyarwanda benshi barimo n’abayobozi n’intumwa z’amashyaka yandi atavuga rumwe na rumwe na Leta ya FPR ndetse n’abagize imiryango idakora politiki (société civile). Iyo mitwe ya politiki yari ihagarariwe na benshi mu bayobozi bakuru bayo barimo :

Rwanda: Amashyaka FDU-Inkingi na PS-Imberakuri arashima igikorwa cy’abanyeshuri n’abashoferi cyo kwibutsa inzego z’ubuyobozi bw’igihugu inshingano zazo.

Kigali, kuwa 26 Nzeli 2013.

Kuri uyu wa Kane, tariki ya 26 Nzeli 2013 nibwo urukiko rw’ibanze rwa Kacyiru rwafashe icyemezo cyo kurekura abanyeshuri n’abashoferi bari bafashwe na polisi y’igihugu kuwa 17 Nzeli 2013 ibashinja gukora imyigaragambyo itemewe. Ifatwa n’ifungwa by’aba banyeshuri ndetse n’aba bashoferi byaranzwe n’ibikorwa bigayitse polisi y’uRwanda yabakoreye aho itazuyaje mu kubica urubozo ndetse bamwe muri bo bakanakuramo ubumuga. Si ibyo gusa kubera ko na bagenzi b’abo bashoferi ubwo bitabaga komisiyo ya Sena ishinzwe ubukungu, polisi y’igihugu ntiyashoboye guhisha kamere yayo ngo ireke kwisebya. Yahise ibagabaho igitero ariko kubw’amahirwe bakarusimbuka.

Rwanda: Polisi y’igihugu yagerageje guta muri yombi abaturage bari batumiwe na Sena

Kuri uyu wa 23 Nzeli 2013 komisiyo ishinzwe ubukungu muri Sena yagiranye ibiganiro n’abashoferi bahagarariye abandi nyuma yo kubona kopi y’ibaruwa bari bandikiye minisiteri y’intebe bayimenyesha ibibazo bakomeje guhura nabyo, byuzuyemo akarengane ko kwirukanwa mu mihanda yo mu mugi wa Kigali. Nyuma y’uko abahagarariye abashoferi batumijwe na komisiyo ya Sena ishinzwe ubukungu, mu ibaruwa no1012/SEN /SEG/LS/CC/2013 yo kuwa 20/09/2013, aba bashoferi basobanuriye iyi komisiyo akarengane kose bagiriwe kugeza n’aho nyuma yo kwandikira minisiteri y’intebe tariki ya 17 Nzeri 2013 bamwe muribo bafashwe na polisi y’igihugu bagafungwa bagakorerwa n’iyicarubozo. Abashoferi kandi basabye iyi komisiyo gusaba polisi kurekura bagenzi babo ndetse n’abanyeshuri bafatiwe rimwe. Komisiyo ya Sena ishinzwe ubukungu yakiriye neza ibyifuzo by’abashoferi maze ibizeza ubuvugizi.

Rwanda: Abanyarwanda noneho bageze n’aho bimwa uburenganzira bwo kwandikira inzego z’ubuyobozi

Kigali, kuwa 17 Nzeri 2013.

Ishyaka FDU-Inkingi ribabajwe cyane n’igikorwa kigayitse cya polisi y’uRwandaaho hari abaturage batawe muri yombi bazira kobaribavuye guha ibaruwa Nyakubahwa Minisitiri w’Intebe bamusaba ko niba hari ubushobozi yagira yabarenganura ku byemezo byabafatiwe kandi babona bibabangamiye. Nk’uko amakuru akomeza abivuga abo baturagebaribagizwe n’urubyiruko rugizwe n’abanyeshuri biga muri za kaminuza bavaniweho inguzanyo zo kwiga ndetse n’abashoferi batwara za Taxi Minibus baherutse kwirukanwa gukorera mu mugi wa Kigali.

Ababaturage bakababaribitoranyijemo abantu babiri ari nabo bajyanye ibaruwa yari igenewe Minisitiri w’Intebe ndetse iyi baruwa ikaba yari yanamenyeshejwe ibiro bya Perezida wa Repubulika y’uRwandandetse na za ministeri  zirebwa n’ibibazo bya bariya baturage.

Rwanda: FDU-Inkingi iramagana uburyo abaturage bagiye bahutanzwa mu ngirwa matora y’abadepite yo kuri uyu wa 16 Nzeri 2013

Kigali, kuwa 16 Nzeri 2013.

Nk’uko ishyaka FDU-Inkingi ritahwemye kugaragaza inenge z’aya matora y’abadepite kuva mu itegurwa aho nubundi ari amatora y’ishyaka rimwe rukumbi rya FPR –Inkotanyi( commission ishinzwe amatora  kuva ku rwego rwo hasi kugeza hejuru, inzego z’ibanze kuva hasi kugeza ku rwego rukuru rw’igihugu,inzego zose z’umutekano  zose zikorera zikanaharanira inyungu za FPR…) aya matora yagaragayemo igitugu n’uburiganya bikiomeye. Aya matora kandi nta shyaka ritavugarumwe n’ubutegetsi ryigeze ryemererwa kuyagiramo uruhare kuko ingirwamashyaka yemerewe ni asanzwe akorera mu kwaha kw’ishyaka riri ku butegetsi,naho amashyaka atavugarumwe na FPR yo yangiwe kwandikwa ,abayobozi bayo bahezwa  mu bihome bitandukanye aho ndetse muri ino minsi y’amatora bagiye bahohoterwa bakabuzwa gusurwa,kugemurirwa ndetse bamwe bagafungirwa muri twa kasho tuba muri za gereza aho bafungiwe mu rwego rwo kubatoteza uko bashoboye.

Rwanda: Gereza nkuru ya Kigali 1930 yongeye kubangamira isurwa ry’umuyobozi mukuru wa FDU-Inkingi, Madame Victoire Ingabire

Kigali, Kuwa 13 Nzeri 2013.

Kuri uyu wa Gatanu tariki ya 13 Nzeri 2013 ahagana mu ma saa yine z’amanywa nibwo abayoboke b’ishyaka FDU-Inkingi babujijwe gusura  umuyobozi wabo Madamu Victoire Ingabire ufunzwe na leta ya FPR-Inkotanyi kubera impamvu za politiki .Ubwo abo bayoboke bageraga ku muryango wa gereza izwi ku izina rya 1930  batunguwe n’uko ubuyobozi bw’iyo gereza bubinyujije mu bakozi b’urwego rw’iperereza (CID) ruhakorera  rwababujije kwinjira kandi nyamara ntibwabasobanurira impamvu nyayo buheraho cyane ko bari bafite ibya ngombwa byuzuye (indangamuntu) ndetse n’umubare  w’abantu batanu wategetswe n’ubuyobozi bw’iyo gereza ntibari bawurengeje. Mu gihe bageragezaga kwaka ibisobanuro by’ukuntu bakwimwa uburengazira bwo gusura hahise haza umwe mu bakozi b’urwego rw’iperereza rwa CID witwa Bagume James ategeka abo bayoboke gutaha ngo kuko atari bubemere gusura.

RWANDA: DEMOKARASI FDU-INKINGI ISHAKA NI IYIHE?

Byanditswe na Ndereyehe Karoli

Komiseri Ushinze Politiki n’Igenamigambi muri FDU-Inkingi

Mu gihe abanyarwanda biteguye ingirwa-matora y’abadepite ateganyijwe kuba tariki ya 16 Nzeri 2013, numvise ari ngombwa kugaruka ku kiganiro nagiriye kuri Radio- Itahuka [1] ku ya 08/07/2013.

1.    Demokarasi dushaka ni imeze ite?

Ni:

-       Iha uburenganzira umuntu wese bwo gutanga ibitekerezo bye mu bwubahane, adatukana, adahutajwe;

-       Iha umuturarwanda uburenganzira bwo kwihitiramo umuyobora atabihatiwe, agatora uzamurengera n’ uzarengera inyungu ze;

-       Iha uburenganzira umuturarwanda uburenganzira bwo kutongera gutora uwamuhemukiye ntiyubahirize amasezerano yatanze;

-       Iha urubuga abatavuga rumwe n’ubutegetsi buriho kugira ngo nabo bagaragaze ukwo bakwitwara cyanga icyo bakora baramutse bagiye ku butegetsi;

-       Idafungishiriza abantu akamama ngo ibahimbire ibyaha kubera kutavuga rumwe n’ uri ku butegetsi;.

-       Iha urubuga itangaza-makuru likaba ijisho rya rubanda, likanenga ibitagenda lidatukanye, litagize uwo libeshyera cyanga lihohotera, uhutajwe mu burengenzira bwe akajya mu nkiko;

-       Ireka abacamanza bagaca imanza mu butabera, badashyizweho igitsuri n’uwariwe wese, kabone n’ iyo yaba ari umukuru w’ igihugu.

-       Itabuza umuhinzi guhinga icyo ashaka;

-       Itabuza umuntu kulirira uwe watabarutse cyanga wishwe;

-       Itavutsa umuntu kwiga cyanga kubona akazi kubera ubwoko bwe cyanga aho akomoka;

-       Itagira umunyarwanda imbohe y’amateka ngo imwegekeho icyaha cy’inkomoko kimuvutsa uburenganzira ubwo ari bwo bwose kubera amateka y’ igihugu yaciyemo;

-       Itagira abenegihungu imfungwa mu gihugu cyabo ngo babure ubwinyagambuliro kugisohokamo bigaharirwa abatoneshejwe;

-       Iha buri munnyarwanda ijambo ,

  • akagira uruhare mu gushyiraho amategeko arengera buri munyarwanda aho kuba urukuta rurengera ubutegetsi bukabuza abanyarwanda uburenganzira bwabo;
  • Akagira uruhare mu ngabo no muyindi mitwe ishinzwe umutekano mu gihugu.

-       Idatuma umuntu yigira umwami ngo yiyitiranye n’ inzego,

-       Isaba uhagaraliye u Rwanda mu mahanga ko arengera abanyarwanda bose, atari ukureba niba bavuga cyanga batavuga rumwe n’ ubutegetsi.

Muri iki gihe iyo Demokarasi ntayiri mu Rwanda.

Rwanda: ICT-Ikoranabuhanga mu Makuru no Gutumanaho

Ikiganiro kuri ICT-Ikoranabuhanga mu Makuru no Gutumanaho

Radiyo itahuka

Tariki ya 2 Nzeli 2013

Cyatanzwe na:

Bwana Eric Bahembera, Ingenieur-Informaticien, Umuvugizi wa FDU-Inkingi mu Budage

http://www.blogtalkradio.com/radioitahuka/2013/09/03/fdu-inkingiict-ikoranabuhanga-mugutumanaho

1.   Icyo ICT bivuga

ICT aribyo Ikoranabuhanga mu Makuru no Gutumanaho (Information Communications Technology [1]) ni ubumenyi bwifashisha imashini mu guhunika (to store), gusaba (to retrieve), guhindura (to manipulate), guhererekanya (to transmit) no kwakira (to receive) amakuru aciye mu mashanyarazi yoroheje (electronically) mu buryo bw’ibarisharutoki (digital form).

Mu yandi magambo yoroshye ICT ni ubuhanga mu  gukoresha mudasobwa (computer) mu bijyanye n’amakuru. Amakuru avugwa muri ICT si nka ya yandi tubaza ngo “amakuru ki gusa”. Kuri mudasobwa icyo wayinjizamo cyose gifitanye isano n’ibidukikije, ni amakuru. Tuvuge ko nko kubika umwirondo w’umuntu ari ukubika amakuru akomeye yatuma abantu bayagezeho batamuzi bamumenya.

Impamvu “Gutumanaho” byiyongera mu izina  kandi  nabyo bigakoresha amakuru.

Mu myaka ya vuba ubuhanga mu guhererakanya amakuru bwateye imbere cyane ku buryo kuvuga IT (Information Technology) bitumvikanaga neza ko hari igice kinini gitandukanye na za mudasobwa cyane cyane ubuhanga mu kwubaka imiyoboro no gukoresha ibindi byuma mu guherekanya amakuru. Muri ibyo byateye imbere bitari bimenyerewe ni nka murandasi (internet) na za telefoni zigendanwa (mobile/smart phones) zisigaye atari izo kuvugiraho gusa aho zinakora byinshi byaharirwaga mudasobwa.

Ako kajambo Gutumanaho kiyongera mu izina akenshi iyo abategeka u Rwanda biyamamaza ngo barashaka guhindura u Rwanda Singapour ugasanga ari ko bibandaho gusa.  Nk’uko ndi bubigarukeho nyuma  ako kajambo ntigahagije konyine. Murandasi na Twitter ntibyateza imbere igihugu byonyine cyane cyane iyo bikoreshwa gusa mu kubeshya isi ngo nta ntambara batera muri Kongo kandi bigaragarira buri wese ushaka kubona. Twibukiranye ko bimwe mu biteza izo ntambara ari ugusahura amabuye acurwamo ibyuma byinshi mu bikenerwa muri ICT. Burya mudosobwa nyinshi n’izo za telefoni zigendanwa zirimo amaraso ya bene wacu. Gupfuka amaso kuri za “mapping report” nta kindi  kindi kibitera: ni ayo mabuye basahuranwa.

RWANDA: ITANGAZO RYA KOMITE MPUZABIKORWA YA FDU-INKINGI KU RUZINDUKO RW’INTUMWA ZA PPR-IMENA MU RWANDA

Paris, kuwa 28 Kanama 2013.

Twamenye amakuru y’uko intumwa z’ishyaka PPR-Imena ziri muRwandamuri iyi minsi zasuye Madame Victoire Ingabire Umuhoza, Prezidante wa FDU-Inkingi uri mu buroko iKigalikuva tariki ya 14 Ukwakira 2010, azira impamvu za politike. Komite Mpuzabikorwa ya FDU-Inkingi iramenyesha abarwanashyaka ba FDU-Inkingi by’umwihariko n’Abanyarwanda bose muri rusange, ko izo ntumwa zagiye mu Rwanda ziturutse i Burayi, ahantu hari bamwe mu bayobozi ba Komite Mpuzabikorwa ya FDU-Inkingi, zitigeze zigeza kuri iyi Komite  iby’uruzinduko rwazo mu Rwanda ngo zinayibwire ko zizasura Perezidanti w’ishyaka FDU-Inkingi maze biganirirweho mu rwego rwa politike. FDU-Inkingi ni ishyaka rirwanya ubutegetsi bw’igitugu buriho mu gihugu cyacu. Bityo intumwa izo arizo zose zisura Umuyobozi waryo mu rwego rwa politike zigomba kwerekana ku mugaragaro ko zirwanya ubutegetsi bw’igitugu duhanganye nabwo kandi ubutumwa butangwa nyuma y’uko gusura bukaba bushyigikira ibikorwa byo guhangana n’ingoma y’igitugu.