Monthly Archives: Gashyantare 2012

ABATEGETSI BAKOMEJE GUSAHURA UMUTUNGO WA LETA NTA NKURIKIZI.

Miriyari zisaga makumyabiri z’amafaranga y’amanyarwanda (FRW 20,000,000,000) z’umutungo wa Leta zararigise. Uwo mubare uwubona ushyize hamwe ibishushanyo n’imbonerahamwe zashyizwe ahagaragara na Raporo ya Komisiyo y’Inteko Nshingamategeko ishinzwe imikoreshereze y’imari bya Leta. Iyo Raporo yagejejwe ku Nteko Nshingamategeko kuri uyu 15 Gashyantare 2012, irerekana imicungire mibi y’imari n’umutungo wa Leta y’umwaka 2009-2010.

Iyo raporo y‘impapuro 59, iravuga inyerezwamutungo rirenze inzovu n’akayovu ryagaragaye muri ministeri, imishinga n’ibigo bya Leta 104 byagenzuwe kuri 315 byagombaga kugenzurwa, ni ukuvuga gusa 33% yabyo. Birumvikana ko iyo izo nzego zose zigenzurwa, imicungire mibi yari kurenga miriyari mirongo itandatu (FRW 60,000,000,000) ujanishije. Ni akayabo karenze urugero kangana n’ingengo y’imari y’imyaka itatu igenewe amashuri yisumbuye. Umutungo wa Leta ucunzwe neza ni ukuvugako abana bajya mu mashuri y’isumbuye ubu bashobora kwikuba gatatu, ndetse birenze.

Imyigaragambyo yo Gushyikigira Madame Victoire Ingabire mu Buholandi

Amakuru yatangajwe na Radio Ijwi r’ Amerika:

SIT IN imbere y' inzu y' abadepiteMu Buholandi, abanyarwanda n’abanyamahanga b’incuti za madame Victoire Ingabire umunyapolitiki ufungiye mu Rwanda, kuwa kane taliki ya cyenda y’ukwezi kwa kabiri umwaka wa 2012 batangiye imyigaragambyo yo kumushyigikira we n’abandi bantu bafungiwe ibya politiki mu Rwanda.Iyo myigaragambyo yakorewe imbere y’ingoro inteko ishinga amategeko y’Ubuholandi ikorera……….. SOMA KANDI WUMVE INKURU IRAMBUYE KURI VOA

Nta serivisi nziza ishobora guhabwa umuturage mu gihe yimwe ijambo haba mu miyoborere y’igihugu cye ndetse no mubyemezo bimufatirwa.

Kigali kuwa 31 Mutarama 2012.

Tariki ya 31 Mutarama 2012 Guverinoma y’u Rwanda yashoje igihe yari yise icy’imiyoborere myiza inajyanye no gutanga serivisi nziza,  ikaba ndetse yari yashyizeho insanganyamatsiko igira iti “Gutanga serivisi nziza niryo shingiro ry’amajyambere”.

Ishyaka FDU-Inkingi rirasanga iryo menyekanishabikorwa “ryo gutanga serivisi nziza” rishingiye ku kinyoma kuko bidashoboka ko waha abaturage serivisi nziza mu gihe utabaha ijambo mu byemezo bitandukanye bibafatirwa kandi bigira ingaruka ku buzima no ku mibereho yabo ya buri munsi.

Mu nyandiko iherutse gusohoka ku itariki 15/01/2012, umuntu ashobora gusanga ku rubuga

http://allafrica.com/stories/201201161809.html , mw’ iperereza ryakozwe na Democracy Index 2011 – Economist Intelligence Unit, u Rwanda rwabaye urwa 138 mu bihugu 165, ruba urwa nyuma muri Est African Community http://www.eiu.com/public/topical_report.aspx?campaignid=DemocracyIndex2011

Bigaragaza ko hategekeshwa igitugu kandi ko iterambere rivugwa ritajyanye n’ imibereho myiza y’ abaturage no kwishyira ukizana muri demokarasi (Civil Rights, Economic and Social Rights, Civic and Political Participation, Political Parties , Rule of Law ).

Impamvu zimwe zinyuranya n’ibyo guha umuturage serivisi nziza ni izi zikurikira: