Yearly Archives: 2012

RWANDA: UMWAKA MUSHYA MUHIRE WA 2013, UMWAKA WO GUSHIKAMA TUGAHARANIRA UBURENGANZIRA BWACU.

Kigali Ku wa 31 Ukuboza  2012.

Banyarwanda, banyarwandakazi, barwanashyaka ba FDU-INKINGI , namwe nshuti z’uRwanda,

Komite nyobozi y’agateganyo ya FDU-INKINGI iyobowe na Madame Victoire Ingabire ishimishijwe no kubifuriza umwaka mushya muhire wa 2013. Ishyaka rirazirikana  kandi rinashima by’umwihariko mwe mwese mwariteye inkunga uko mushoboye mu gufata mu mugongo imfungwa za politiki ndetse n’abandi bose bitangiye uru rugamba rwa demokarasi, iyubahirizwa ry’uburenganzira bwa muntu, n’ubutegetsi bugendera ku mategeko mu Rwanda.

Rwanda : FPR mu myaka 25 ntiyageze ku ntego zayo uko yari yazihaye

Kigali kuwa 17 Ukuboza 2012

 

Ishyaka FDU-INKINGI rirasanga FPR Inkotanyi muri iyi sabukuru yaryo y’imyaka 25 rikwiye guterwa isoni n’ikimwaro by’imiyoborere mibi yariranze yo guhonyora bikomeye ubwisanzure n’uburenganzira bw’abanyarwanda

 

Muri iki gihe ishyaka FPR Inkotanyi ririzihiza isabukuru y’imyaka makumyabiri n’itanu (25) rimaze ribayeho. Nk’uko bisanzwe ishyaka iyo rishinzwe riba rifite imigambi riba rishaka kugeza kuri rubanda. Iri shyaka rero ryarashinzwe ribaho kugeza ubwo ryahisemo kugera kubyo ryifuzaga rishoza intambara yeruye ku Rwanda mu 1990. Iki gihe FPR Inkotanyi itangira urugamba rw’amasasu, hari inenge nyinshi yanengaga ubutegetsi bwari buriho, cyane cyane ikavuga ko yari ihangayikishijwe n’ivangura, itonesha, igitugu cy’ishyaka rimwe rya MRND ryari riyobowe na Nyakwigendera Habyarimana Yuvenali; FPR yanavugaga ko ihangayikishijwe no kugarura demokarasi, guca ubuhunzi n’ibindi.

Mu Rwanda abaturage bamerewe nabi n’inzara kumpamvu za gahunda mbi y’ubuhinzi ; leta ya FPR Inkotanyi yo iremeza ko abaturage bayo bafite ibyo kurya bihagije ko ahubwo batazi kubitegura

Kigali, kuwa 28 Ugushyingo 2012.

Abaturage hirya no hino mu gihugu baravuga ko inzara ibamereye nabi kuburyo ndetse bayihaye n’amazina agiye atandukanye aho bamwe bayise « Nyobozi,Tronc commun,Konoshi,Kebuka…». Abuturage baremeza ko imvano y’iyi nzara ishingiye kuri politiki mbi ya leta yaje ibituraho yo guhinga igihingwa kimwe cyane cyane igihingwa cy’ibigori ,byatumye indi myakabaribasanzwe bihingira yaragiye itemwa indi ikarandurwa n’ubuyobozi bw’inzego z’ibanze.  Abaturage bakavuga ko izi nzego z’ibanze zibikora mu rwego rwo gushimisha abayobozi bazikuriye mubyo  zita guhigura imihigo zititaye ku ngaruka abaturage bazahura nazo. Abaturage baraninubira uburyo n’ibyo basaruye bategekwa ku ngufu kubigurisha ku giciro gito n’abashoramari kuburyo batabona nicyo bageza mu rugo  ngo kibatungire imiryango kandi bajya ku isoko bakabihaha ku giciro gihanitse.

Rwanda: Barindwi bafunze bakomoka mu karere ka Rutsiro bashinjwa kuba abayoboke ba FDU-Inkingi bakomeje kugaraguzwa agati kugeza n’aho babuzwa uburenganzira bwo kwitabira urubanza mu rwego rwo kubaheza mu buroko

Kigali, kuwa 27 Ugushyingo 2012.

Tariki ya 21 Ugushyingo 2012 hagombaga kuba urubanza  numero RPA/12/TGI/KGI  rw’ubujurire ku ifungwa ry’agateganyo rya  ba Bwana Mutuyimana Anselme, Uwiringiyimana Venuste,Ufitamahoro Norbert,Twizeyimana Valens,Byukusenge Emmanuel,Nahimana Marcel na Mlle Gasengayire Leonille.

Rwanda: Madame Victoire Ingabire Umuhoza yakatiwe igifungo cy’agasomborotso cy’imyaka umunani

Nk’ uko twari tubitegereje, uyu munsi Madame Victoire Ingabire Umuhoza, Umuyobozi wa FDU-Inkingi, yakatiwe igifungo cy’agasomborotso cy’imyaka umunani

Ikimenyetso kiragaragaye: mu Rwanda nta butabera buharangwa!

Ntawe ugishidikanya ko ubucamanza muRwandabubogamiye ku butegetsi bwa Perezida Pahulo Kagame ko kandi budashishikajwe n’ubutabera. Mu gihe urubanza rumaze, ntitwahwemye kubereka ko Urukiko Rukuru, rutigeze rwemera ibimenyetso byagiye bitangwa n’ababuranira Madame Victoire Ingabire, bagaragaza ko ari umwere mu byo aregwa. Ahubwo Urukiko Rukuru rwihaye ubushobozi budafite, bwo kwakira ibirego by’ibikorwa bishobora kuba byarabaye mbere y’uko itegeko ribihana rijyaho, cyangwa se kwakira ibirego rudafitiye ubushobozi.

Rwanda: Abarwanashyaka 2 ba FDU-Inkingi barashimuswe, abandi 3 bahohoterwa n’inzego z’umutekano.

Kigali, kuwa 22 Ukwakira 2012.

Tariki 17 Ukwakira 2012 mu ma saa tatu za nimugoroba nibwo uwitwa Niyomugabo Michel na Nsabimana Eugene batuye mu mudugudu wa Kangondo II, akagali ka Nyarutarama, umurenge wa Remera, akarere ka Gasabo, bari iwabo mu rugo baguwe gitumo n’imodoka yarimo bamwe mu basanzwe bakorana n’inzego z’umutekano za Kigali, babanjirijwe n’inkeragutabara maze babirohaho babajugunya muri iyo modoka babajyana kuri polisi ya Remera ari n’aho baraye. Ijoro  rikeye bajyanwe ahantu hatazwi kugeza magingo aya. Ise wa Niyomugabo Michel yagerageje kumenya irengero ry’umwana we n’umukozi we, maze abamutwaye bamutera ubwoba bamubwira ngo niba nawe ashaka  niyurire imodoka bamutware.

RWANDA : UMUNSI WA 51 WA KAMARAMPAKA.

Kigali, ku wa 25 Nzeri 2012.

 

BANYARWANDAKAZI,

BANYARWANDA,

Ku nshuro ya 51 turibuka umunsi wa Kamarampaka, igihe Abanyarwanda bakemuraga impaka ku kibazo cy’ubwami na Repubulika. Bahisemo Repubulika, ishingiye ku kwishyira ukizana. Nyuma y’iyo myaka, turacyayirimo ariko amahame y’ukwishyira ukizana na demokrasi byagiye nka Nyomberi. Icyo tuzirikana cyane uyu munsi ni ubwitange budasanzwe bw’Abanyarwanda b’icyo gihe, bahagurutse, bakigomwa twose, bakitangaho ibitambo kugira ngo icyo baharaniraga kigerweho. Ubwo butwari n’ubu igihugu cyacu kirabukeneye. Abagiye sibo bazagaruka muri Kamarampaka yindi ikenewe ubu. Ni twe n’abazadukomokaho.

Kwihitiramo ubuyobozi butunogeye si umuhango wo guhitamo gusa. Ni imitekerereze ijyana n’icyo abenegihugu baba biyemeje, bakagitangira ibitambo. Natwe Banyarwanda iyo tuva tukagera, tureke kuvugira mu matamatama, kwigunga no gutinya. Duharanire imitegekere iduha ijambo twese ku gihugu cyacu no ku byacyo byose.

Ubutegetsi bwa FPR-Inkotanyi bwigaruriye igihugu kuva mu wa 1994 nyuma ya jenoside yahitanye hafi miliyoni y’Abanyarwanda. Ubwo butegetsi bwanze gushingira ku kwishyira ukizana kwa buri munyarwanda ahubwo buhitamo ingoma y’igitugu itonesha bamwe, igahonyora abandi.

RWANDA : FDU INKINGI NA RNC YAGEJEJE MU RUKIKO MPUZAMAHANGA MPANABYAHA IBIMENYETSO BISHYA BISHINJA PEREZIDA KAGAME

ITANGAZO

Ku wa 19 Nzeli 2012.

 

Amashyaka ya politiki atavuga rumwe n’ubutegetsi bwa FPR ariyo FDU-INKINGI n’IHURIRO RNC  yifashishije uyunganira mu mategeko ariwe Bwana Christopher Black, ejo yashyikirije Umushinjacyaha Mukuru w’Urukiko Mpuzamahanga Mpanabyaha, icyegeranyo cy’umuryango mpuzamahanga uharanira uburenganzira bw’ikiremwa muntu (Human  Rights Watch) cyo ku wa 12 Nzeli 2012 cyerekeranye n’ibyaha by’intambara byakozwe n’umutwe w’inyeshyamba za M23 muri Repubulika Iharanira Demokarasi ya Kongo n’uruhare rubabaje rw’abategetsi ba Leta y’u Rwanda muri iyo ntambara kugira ngo ibyo bimenyetso bishya bizafashe Umushinjacyaha Mukuru w’urwo rukiko mu gutangiza anketi yimbitse kuri ibyo birego.

Nk’uko icyo cyegeranyo kibivuga, “Abayobozi b’u Rwanda bashobora guhamwa n’ubufatanyacyaha mu byaha by’intambara kubera inkunga yabo ihoraho batera umutwe w’inyeshyamba za M23. Igisirikari cy’u Rwanda cyohereje abasirikari mu burasirazuba bwa Kongo ngo batere inkunga itaziguye inyeshyamba za M23 mu mirwano”.

(Français) (English) Rwanda: The police intimidated lawyer of 8 arrested opposition members

Kigali, 20 September 2012

From 15 September 2012, the police in Rutsiro District arrested and kept incommunicado 8 members of FDU-Inkingi in the area.The arrested people are: Mutuyimana Anselme, Uwiringiyimana venuste, Ufitamahoro Norbert, Dukundane Moise, Twizerimana Valens, Nahimana Marcel, Byukusenge Emmanuel and Gasengayire Leonille. They are accused of threats to national security; endangering public order and illegal political activities.

Lawyer Felicien Bimenyimana, hired by FDU-Inkingi to represent the victims of this political persecution, was intimidated. He decided to drop the case for his own security.This happened today when he went to Karongi police station where the arrestees have been transferred for prosecution. He stopped after introductions with only three of them. The Bwishyura police commander who rushed there, threatened him, asking why he has chosen the side of the enemy.

Nobody has yet seen the arrest warrants and their family members have not been allowed neither to see them nor to bring them food.

The suspects have never been produced in front of a judge according to the Rwandan criminal procedure law.

FDU-Inkingi

Boniface Twagirimana
Interim Vice president

Rwanda : Abayoboke ba FDU – Inkingi bakomeje guhigwa bukware hirya no hino.

Kigali kuwa 15 Nzeri 2012

Uyu munsi  tariki ya 15 Nzeri 2012 hafi saa moya n’igice z’ijoro, Bwana Mutuyimana Anselme atuye mu Mudugudu wa Mukungu, Akagali Kivugiza, Umurenge Nyabirasi, Akarere Rutsiro yatawe muri yombi n’abapolisi bakorera muri uyu murenge azizwa ko ngo ari mu ishyaka ritavuga rumwe na FPR.

Rwanda : Agaciro Development Fund ni nk’ikirondwe kinyunyuza abaturage.

Kigali ku wa 06 Nzeli 2012

Nyuma y’uko ibihugu byinshi (Leta zunze ubumwe z’Amerika, Ubwongereza, Ubudage, Suwedi, Ubuholandi, ndetse na Banki y’Afurika iharanira amajyambere) byabaye bihagaritse inkunga byageneraga u Rwanda kubera ibimenyetso bikomeye bigaragaza ko Leta y’u Rwanda ishyigikiye umutwe M23 uteza umutekano muke muri Kongo, iha uwo mutwe abasirikare, imyitozo n’ibikoresho by’intambara binyuranye, Perezida Paul Kagame yakoranije inama y’abakuriye Umuryango wa FPR Inkotanyi bashyiraho inzira zo kuziba icyuho cyatewe n’ihagarikwa ry’izo mfashanyo.

Bashimuse ikigega cyo gushyigikira ubutegetsi cyari cyarashyizweho n’intore za FPR ziyita Diaspora zikunze kwitabira inama ngo y’ibiganiro by’intsinzi bakora buri mwaka.

Abategetsi bakuru ba Leta bakomeje guhamagarira abantu gutabara ubutegetsi  ariko bakavuga ko gutanga amafaranga muri kiriya Kigega bita icyo kwihesha Agaciro bizaturuka ku bushake bwite bwa buri muntu, hakurikijwe ubushobozi bwe! Ariko nyamara siko bimeze kuko byabaye itegeko, ndetse byabaye n’agahato!

RWANDA : TURATABARIZA ABAFUNGWA MU BURYO BUDAKURIKIJE AMATEGEKO

Kigali, kuwa 20 Kanama 2012

Ku wa 28 Nyakanga 2012 uwitwa YUMVIHOZE Celestin wo mu Mudugudu w’Ituze (Akagali ka Kamukina, Umurenge wa Kimihurura, Akarere ka Gasabo) mu mugi wa Kigali yafashwe n’inzego z’Umudugudu atuyemo azizwa ko “atagiye mu muganda ngo ahubwo akinywera inzoga”. Yajyanywe kuri polisi ya Remera ariko aza kurekurwa kuri uwo mugoroba. Umuyobozi w’Umudugudu w’Ituze HAVUGIMANA Vincent yahamagaye polisi ayibwira ko uwo muntu ari umwanzi w’igihugu ko agomba gufungwa. Bahise bajya kumufungira kwa Kabuga i Gikondo kugeza ubu kandi ntiyigeze ashyikirizwa ubutabera nk’uko amategeko abiteganya.

 

(Français) Rwanda : Mémorandum des FDU-Inkingi/RNC à l’occasion du dépot de plainte auprès de la CPI contre Kagame

MEMORANDUM DES PARTIS POLITIQUES FDU-INKINGI ET RNC A L’OCCASION DU DEPOT DE PLAINTE AU-PRES DE LA COUR PENALE INTERNATIONALE CONTRE LE PRESIDENT RWANDAIS LE Gal PAUL KAGAME POUR LES CRIMES COMMIS AU RWANDA ET EN REPUBLIQUE DEMOCRATIQUE DU CONGO :                                                                                               Mémorandum FDU-Inkingi & RNC | Cour Pénale Internationale (CPI) 17-08-2012

MEMORANDUM DES PARTIS POLITIQUES FDU-INKINGI ET RNC A L’OCCASION DU DEPOT DE PLAINTE AU-PRES DE LA COUR PENALE INTERNATIONALE CONTRE LE PRESIDENT RWANDAIS LE Gal PAUL KAGAME POUR LES CRIMES COMMIS AU RWANDA ET EN REPUBLIQUE DEMOCRATIQUE DU CONGO

                                                                                                     

MEMORANDUM DES PARTIS POLITIQUES FDU-INKINGI ET RNC A L’OCCASION DU DEPOT DE PLAINTE AU-PRES DE LA COUR PENALE INTERNATIONALE CONTRE LE PRESIDENT RWANDAIS LE Gal PAUL KAGAME POUR LES CRIMES COMMIS AU RWANDA ET EN REPUBLIQUE DEMOCRATIQUE DU CONGO

                                                                                                     

LETA Y’U RWANDA IKOMEJE KUNIGA UBWISANZURE BW’ABATURAGE.

Kigali, kuwa 15 Kanama 2012

Icyemezo cya Leta y’u Rwanda cyo gusoma amabaruwa, kwumviriza ibiganiro kuri telefone ngo abanyarwanda baruce barumire giteye icyo ni iki. Kuniga ubwisanzure bw’abaturage biragaragaza ko ubutegetsi bugeze mu marembera.

Leta y’u Rwanda iherutse gushyiraho itegeko ryo gusoma amabaruwa no kumviriza telefoni z’abantu bose bakoresha itumanaho rya telefone mu Rwanda ndetse ikazajya inagenzura ubutumwa bwanditse kuri interineti. Leta yatangaje ko izajya ihana abandika ndetse n’abasoma ibinyamakuru byandikirwa kuri interineti bitavuga neza ubutegetsi buriho.

Mu kiganiro kigufi minisitiri w’umutekano mu gihugu Mussa Fazil Harerimana yatanze kuri BBC ku mugoroba wo kw’italiki 9 Kanama 2012 yemeje ko ngo ibyo bizajya bikorwa n’umukuru wa gisirikari, umukuru wa polisi ndetse n’ukuriye urwego rw’iperereza. Nyamara mu biganiro bimaze iminsi bicishwa ku maradiyo y’imbere mu gihugu n’ayo hanze yacyo abaturage baragaragaza ko batishimiye ishyirwaho ry’iryo tegeko. Rije kurandura agakeregeshwa k’ubwisanzure kari gasigaye mw’itumanaho, aho ibinyamakuru byose bitavuga rumwe na Leta babifungiye, abayobozi babyo bamwe bakicwa, twavuga nka Jean-Léonard Rugambage cyangwa Ingabire Karoli, abandi bagafungwa nka Mukakibi Sayidati na Agnes Uwimana Nkusi. Ibi bibaye mugihe amaraporo y’imiryango myinshi nka Reporters sans Frontières, Amnesty International cyangwa Human Rights Watch arega u Rwanda ko nta bwisanzure mu gutanga ibitekerezo buharangwa. Ibi noneho bije ni simusiga ije guhuhura na gake kari gasigaye.

Ingingo ya 22 y’itegeko nshinga ry’u Rwanda ivuga ko “imibereho bwite y’umuntu, iy’umuryango we, urugo rwe, ubutumwa yohererezanya n’abandi ntibishobora kuvogerwa mu buryo bunyuranyije n’amategeko; icyubahiro n’agaciro ke mu maso y’abandi bigomba kubahirizwa. Urugo rw’umuntu ntiruvogerwa. Ntihashobora gukorwa isakwa mu rugo cyangwa kurwinjiramo kubera impamvu z’igenzura nyirarwo atabyemeye, keretse mu bihe no mu buryo biteganyijwe n’amategeko. Ibanga ry’amabaruwa n’iry’itumanaho ntirishobora kuzitirwa keretse mu bihe no mu buryo biteganywa n’amategeko”.

Ahandi itegeko nk’iri ryo kwumviriza itumanaho iyo rishyizweho, rigomba kuvuga urutonde rwuzuye rw’ibyaha bikurikiranwa biha uburenganzira abakora igenzacyaha kwumviriza. Icyemezo cyo kwumviriza kigomba gutangwa n’ubucamanza bwonyine, we uzi uburemere  bw’itegeko nshinga. Ntabwo umukuru wa gisirikari, umukuru wa polisi ndetse n’ukuriye urwego rw’iperereza bashobora kugira uburenganzira burenze itegekonshinga. Mbere yo gushyira umukono kw’icyo cyemezo, umucamanza agomba kureba niba uko kwumviriza byubahirije amategeko kandi atarengeye ubudahangarwa bw’amahameremezo rusange y’amategeko. Agomba gutanga igihe kwumviriza bitangiriye n’igihe bizarangirira. Kandi iyumviriza rirangiye, nyir’ubwite wumvirijwe amenyeshwa ko yumvirijwe, akabwirwa n’inzira inzira ashobora kunyuramo ngo abijuririre niba abishaka.

Kuba Leta ihisemo gushyiraho itegeko nk’iri kandi isanzwe inengwa n’abanyarwanda, imiryango mpuzamahanga ndetse na za guverinoma ko iniga ubwisanzure bwo gutanga ibitekerezo, ubwa politiki n’ubw’itangazamakuru ni ikimenyetso ndakuka kigaragaza ko Leta yiyemeje gufunga burundu urubuga rwa politiki n’urw’itangazamakuru.

Ishyaka FDU-Inkingi riramagana icyo cyemezo kigamije kuvutsa abanyarwanda uburenganzira bwabo bwo kutavogerwa mu itumanaho. FDU-Inkingi ibabajwe n’uburyo abadepite bari bakwiye guhagararira inyungu z’abaturage bemera gushyigikira itegeko ryo kubahonyora ngo baruce barumire.

FDU-Inkingi irasaba Leta y’u Rwanda guhagarika byihutirwa ririya tegeko.

 

FDU-Inkingi

Boniface Twagirimana

Umuyobozi wungirije w’agateganyo

RWANDA – RD CONGO : ABANYARWANDA N’ABANYEKONGO BAZAREGA PEREZIDA PAUL KAGAME MU RUKIKO MPUZAMAHANGA MPANABYAHA (CPI/ICC).

ITANGAZO RIGENEWE ABANYAMAKURU

Ku wa 06 Kanama 2012

Ku wa 17 Kanama 2012, Abanyarwanda bafatanije n’Abanyekongo bazashyikiriza ikirego Urukiko Mpuzamahanga Mpanabyaha (CPI/ICC)  i La Hayemu gihugu cy’ubuholandi, basaba ko Umushijacyaha yakurikirana ibyaha  Perezida Paul Kagame n’ibyitso bye bashinjwa hifashishijwe Raporo z’umurwi w’impuguke zashyikirijwe Komite y’Akanama Gashinzwe Umutekano ka LONI yashyizweho hakurikijwe Icyemezo 1533 (2004) kirebana na Republika Iharanira Demokarasi ya Kongo[1], Raporo itanga ishusho (mapping report) y’ibyaha bikomeye by’ihonyora ry’uburenganzira bwa muntu n’itegeko mpuzamahanga rirengera ikiremwa muntu, byakorewe muri icyo gihugu (RDC/DRC) hagati ya Werurwe 1993 na Kamena 2003[2], hamwe n’ibikubiye mu mugereka wa raporo y’impuguke (S/2012/348) wibanda ku cyaha cyo guca ku mategeko akumira igurishwa ry’intwaro muri icyo gihugu gishinjwa Leta y’u Rwanda.

RWANDA: UBWIGENGE NI IKI?

Ijambo Umuyobozi wa Komite Mpuzabikorwa ya FDU-Inkingi yagejeje ku banyarwanda bitabiye ikiganiro mbwirwaruhame kw’isabukuru y’imyaka mirongo itanu u Rwanda rumaze rwigenze, cyabereye i Montreal muri Canada, tariki ya  28 Nyakanga 2012.

Banyarwanda, Banyarwandakazi, Nshuti z’u Rwanda,

Mbashimiye akanya mumpaye ko kubaganirira uko ishyaka ryacu FDU-Inkingi ribona ubwigenge. Ndabivuga mu bika bibiri : ubwigenge bureba igihugu cy’u Rwanda, n’ubwigenge bureba umunyarwanda ku giti cye.

Ijambo Umuyobozi wa Komite Mpuzabikorwa ya FDU-Inkingi yagejeje ku banyarwanda bitabiye ikiganiro mbwirwaruhame kw’isabukuru y’imyaka mirongo itanu u Rwanda rumaze rwigenze, cyabereye i Montreal muri Canada, tariki ya  28 Nyakanga 2012.

Banyarwanda, Banyarwandakazi, Nshuti z’u Rwanda,

Mbashimiye akanya mumpaye ko kubaganirira uko ishyaka ryacu FDU-Inkingi ribona ubwigenge. Ndabivuga mu bika bibiri : ubwigenge bureba igihugu cy’u Rwanda, n’ubwigenge bureba umunyarwanda ku giti cye.